“Ньюком Майнинг Сервис” ХХК нь барилга, уул уурхайн тоног төхөөрөмж, машин механизмын худалдаа, түрээсийн компани юм. Ньюком ХХК-ийн хөрөнгө оруулалттайгаар Говийн бүсийн эдийн засаг, хөгжил, их бүтээн байгуултад хувь нэмрээ оруулах зорилгоор 2011 оны 7 дугаар сард байгуулагдсан. Тус компани нь харилцагчдын машин механизм, тоног төхөөрөмжийн хэрэгцээ шаардлагыг бүрэн тодорхойлж, түрээслэх, техникийн үйлчилгээ, операторууд болон нийлүүлэлтийн үйлчилгээг цогцоор нь үзүүлэх болно. Мөн компанийн төлөөлж буй брэндийн машин механизм, тоног төхөөрөмж, сэлбэгийн худалдааг хийнэ. Ньюком Майнинг Сервис ХХК нь Terex, Genie брэндийн Монгол дахь албан ёсны дистрибьютер бөгөөд бид кран, өргөгч болон барилгын тоног төхөөрөмжийг, мөн Vermeer брэндийн шуудуу ухагч, ил уурхайн тоног төхөөрөмжийг нийлүүлнэ.

       Тус компани нь 2012 оны эхний хагаст Өмнөговь аймгийн Ханхонгор сумын нутаг дэвсгэрт өөрийн гэсэн худалдаа, засвар үйлчилгээний төв болон ажилчдын байрны анхны цогцолборыг нээн үйл ажиллагаагаа бүрэн эхлүүлэх зорилготойгоор ажиллаж байна. НМС-ийн хамт олон байшин барилга, дэд бүтэц, зам, эрчим хүч, уул уурхайн салбаруудад шинэ дэвшилтэт технологийг нэвтрүүлэн чанартай, өндөр зэрэглэлийн үйлчилгээг үзүүлэн харилцагчдаа бүхий л талаар дэмжин, хамтран ажиллахыг эрхэм зорилгоо болгон ажиллах болно.

КОМПАНИЙН САНАЛ БОЛГОХ ТОНОГ ТӨХӨӨРӨМЖҮҮД:

• Бүх төрлийн кран
• Бүх төрлийн ачигч болон ухагч машин
• Хөрс дагтаршуулагч
• Өргөгч төхөөрөмж
• Сэрээт ачигч, өргүүр
• Цахилгаан үүсгүүр
• Гэрэлт цамхаг
• Гагнуур
• Хийн компрессор г.м.

 

КОМПАНИЙН ЦОГЦ ТҮРЭЭСИЙН ҮЙЛЧИЛГЭЭ:

• Хүргэж, хүлээн авах
• Засвар, техникийн үйлчилгээ
• Техникийн зөвлөгөө
• Мэргэжлийн оператор